تابعنا علي الفيسبوك لإطلاع علي كل جديد

طرق السحب من باي بال في مصر 2019

الخلاصة في طرق سحب الفلوس من باي بال في مصر , زي محنا عارفين إن فيزا البريد المصري إيزى باي تم وقفها عن التعامل مع بيبال من إسبوعين وبقي الواقع إن الفيزا مش هترجع تشتغل تاني مع الباي بال , مع العلم إن الفيزا شغاله وكلة تمام في باقي العمليات من شراء وسداد فواتير علي أي موقع في العالم , وكمان الفيزا لازالت تصلح لتفعيل الباي بال لكنها مش هتسحب أبدا من الباي بال إلا إذا تم حل المشكلة من البريد المصري .
                       


واتكلمنا عن مشكلة إيزي باي من أول حدوثها في موضوع منفصل وهو " توقف فيزا إيزي باي عن السحب من باي بال " والاسباب المحتملة لتوقفها , المهم : في حلول أخرى للسحب من باي بال وهي كالتالي تقدر تستعمل أي منها براحتك .


تحديث : فيزا إيزي باي عادت للعمل بتاريخ 13-8-2018 تم السحب منها اليوم ولكن المفاجئة نزل ضريبة مضافة من قبل البريد المصري بمبلغ يقد بنحو 2% من المبلغ المستلم من الباي بال , بمعني إنك لو أستلمت 100 دولار من باي بال هيتم خصم 2 دولار ضريبة , إذا يكون المبلغ المسحوب هو 98 دولار فقط , ويتم حسابهم بسعر الدولار في يوم وصول المال إلي الفيزا , للإطلاع عن " فيزا إيزي باي والسحب من باي بال من هنا " .

الطرق المتاحة للسحب من الباي بال في مصر 2019 .


في الفيديو التالي ملخص للطرق التي هيتم ذكرها بالتفصيل في الأسفل " عشان لو كنت مستعجل " .

كيفية سحب الأموال من Paypal مصر .


الطرق الهيتم كتابتها فيما يلي هي الطرق المضمونة بنسبة 100% بتاريخ " أغسطس 2018 " وهيتم تحديث المقال لو في أي طريقة جديدة بإذن الله تعالي .

البطاقات الإئتمانية .


هو الحل الأول وهو إنك تستخرج بطاقة إئتمانية من أحد البنوك في مصر مع العلم إن أي بنك في مصر عنده أنواع متعددة من البطاقات الإئتمانية فأنت لازم تأخد بالك عند طلب البطاقة وتطلب بطاقة " إئتمانية من نوع فيزا " لان في أنواع ماستر كارد واي ماستر كارد مش هتقبل السحب نهائي من باي بال .
مع العلم بردك إن مش كل البنوك في مصر بتفتح لك السحب من باي بال علي الفيزا الإئتمانية لذالك البنكين المجربين حتي الأن وهما:
  1. فيزا الإئتمانية من البنك العربي الإفريقي .
  2. فيزا مشترايات البنك الأهلي المصري .
دول الفيزتين المجربين في الشهر ده وتم السحب عليهم بالفعل " ربما في بنوك أخرى وربما مفيش" لكن عشان مخدعكش في بنوك وتلاقيها فيما بعد مش شغاله دول البنكين المضمونين لحد النهاردة .

                             

أولا : فيزا الائتمانية من البنك العربي الإفريقي .


متطلبات إستخراج الفيزا " إما وديعة بنكية بحد أدني 2000 جنية مصري " أو " ربطها بوظيفة " لو موظف أي وظيفة في الحكومة بتجيب الاوراق التالية :
  1. بيان مفردات مرتب يفيد المرتب الاساسي + المكافئات .
  2. إيصال كهرباء أو ماء أو فاتورة تلفون .
  3. البطاقة الشخصية ويشترط تكون سارية .
اما عن إستخراج الفيزا بوديعة بنكية : 
  1. فتح حساب بنكي وإيداع 2000 جنية علي الأقل مع العلم إن المبلغ هيتم تجميدة ولن يكون متاح للسحب إلا في حالة إلغاء الفيزا الإئتمانية .
  2. البطاقة الشخصية .
  3. إثبات محل إقامة عن طريق وصولات كهرباء او ماء او تليفون او غاز .
  4. ربما يطلب منك أوراق أخرى .
لتفاصيل أكثر عن فيزا البنك العربي الإفريقي يمكنك الإتصال برقم خدمة العملاء 19555 متاح 24 ساعة , اما رقم خدمة عملاء البنك الأهلي 19623 .

ثانيا : فيزا بايسيرا  paysera .


تعبر أحد أفضل الحلول للسحب عبر بيبال في مصر حيث أن paysera هو بنك أوروبي يقوم بفتح لك حساب ويرسل لك بطاقة من نوع Visa تمكنك من السحب من أي ماكينة ATM في مصر لكن بالطبع يكون هناك رسوم إضافية , وإليك أهم الأمور التي يجب أن تعرفها عن الفيزا :
  1. للحصول علي الفيزا يجب التسجيل في موقعهم ويطلب الموقع بعض الوثائق الرسمية أهمها " صورة لك مع البطاقة الشخصى + صورة لجواز السفر الخاص بك " .
  2. يجب ان تقوم بشحن حسابك ب 3 يورو لكي تطلب إرسال البطاقة إلي عنوانك في مصر .
  3. رسوم شهرية للبطاقة 0.45 يورو , السحب من ATM رسوم 1.5 يورو + 2% من المبلغ .
يمكنك التسجيل في موقع بنك بايسيرا من هنا .

ثالثا : السحب عن طريق بيونير .


بنك بيونير أحد البنوك الإلكترونية الشهيرة ولة تاريخ ماضي بالإضافة إلي أنة يوفر ميزات رائعة ولكن سنستفاد منة عن طريق السحب من باي بال والطريقة كالتالي :
  1. نقوم بفتح حساب في بنك بيونير .
  2. نقوم بإضافة حساب بنك في داخل حساب الباي بال .
  3. نقوم بعد ذالك بإرسال المال من باي بال إلي بيونير .
  4. توجة إلي السحب في حساب بيونير ونطلب السحب إلي حساب بنكي محلي , وهنا يجب أن يكون لديك حساب في أحد البنوك في مصر تقوم بإضافة معلومات الحساب وفي غضون 7 أيام هتلاقي الفلوس وصلت حسابك في البنك ال لك حساب فية .

رابعا : السحب عن طريق الوسيط المالي .

                             

إذا كنت لا تستطيع الحصول علي أي من الطرق التي ذكرناها , فالخلاصة في ناس بتشتغل وسائط ماليين , بمعني إنهم هيستلمو الفلوس بدلا منك علي حسابهم في باي بال و يدفعلك علي فودافون كاش أو البريد المصري بكل بساطة , مع العلم إنهم بيدفعوا سعر الدولار أقل من سعره الرسمي بجنية يعن لو الدولار ب 17.60 هيدفعلك 16.60 تقريبا وهكذا , لكن طريقة رياحة دماغ من وبتستلم بالمصري وخلاص .

2 comments

avatar

دلوقتي اكتفت فيزا ايزي باى و اما بجي اسحب بتجيلى الرساله دي
Sorry, we are not able to process your request. Please try again later.
اى الحل ؟

avatar

الحل ياصديقي انك تتواصل مع دعم الباي بال , وهما هيفتحو لك السحب علي طول ممكن تكلمهم هاتفيا وده شرح الطريقة http://www.monstertecnology.com/2017/06/blog-post_14.html

 

ليصلك كل جديد عنا ولنكون علي اتصال